Muqdisho (Halqaran.com) – Guddoomiyaha ku-meel gaarka ah ee Golaha Shacabka Cabdisalaan Dhabancad oo goor dhaweyd shir jaraa’id ku qabtay hoolka Teendhada Afisyooni oo lagu wado inay ka dhacdo doorashada guddoonka Golaha Shacabka ayaa baaq u diray xildhibaanada ka maqan hoolka.
Dhabancad ayaa ugu baaqay xildhibaanada inay si deg deg ah u soo xaadiraan hoolka si ay u bilaabaan doorashada Golaha Shacabka, oo uu sheegay inay maanta dhici doonto.
“Aniga iyo xildhbaanno kale waxaan joognaa halkii lagu ballamay, waxaa hoolka joogo xildhibaanno aan badneyn, waxaana xildhibaanada maqan ka codsanayaa inay soo xaadiraan teendhada, waxaan maqlay in xildhibaanno badan jidadka laga celiyey, jidadka waa la furay hadda anaga ayaana codsanay,” ayuu yiri guddoomiye Dhabacad.
Guddoomiyaha ku-meel gaarka ah ee Golaha Shacabka Cabdisalaan Dhabancad ayaa hadalkiisa imaanaya, xilli inta badan xildhibaanada Golaha Shacabka loo diiday inay soo galaan hoolka, waxaa kaliya hadda gudaha ku jiro xildhibaannada mucaaradka oo watay ciidamo aad u hubeysan.
Halka hoose ka Daawo Muuqaalka Shirka Jaraa’id ee guddoomiye Dhabancad:
Xafiiska Wararka Halqaran.com
Halqarannews@gmail.com
