Muqdisho (Halqaran.com) – Kooxo hubeysan ayaa degmada Yaaqshiid ee gobolka Banaadir ku dilay dhaqtar caan ka ah magaalada Muqdisho.
Wararka ayaa sheegaya, in rag hubeysan ay xaafadda Suuq Bacaad ku dileen dhaqtar lagu magacaabo Xasan Xaayoow oo si weyn magaalada Muqdisho looga yaqaano, sida ay xaqiijiyeen goobjoogayaal.
Marxuumka ayaa waxa uu ahaa dhaqtar daaweyn jiray Shubanka, islamarkaana waxaa lagu dilay xarun caafimaad uu ku lahaa halkaasi.
Wararka ayaa intaasi ku daraya, in kooxaha dilay dhaqtarka ay ku hubeysnaayeen dharka ciidanka dowladda, isla markaana ay wateen qoryaha AK47.
Si kastaba, goobta uu dilka ka dhacay, ayaa durba waxaa gaaray ciidamada ammaanka, iyagoona halkaasi ka qaaday meydka dhaqtarka, una qaaday xarunta dambi baarista ee CID-da.
Xafiiska Wararka Halqaran.com
Halqarannews@gmail.com
