Baydhabo (Halqaran.com) – Taliyaha Ciidamada Howlgalka Midowga Afrika ee AMISOM Diomede Ndegeya, ayaa booqday ciidamada Itoobiya ee ku sugan magaalada Baydhabo ee xarunta gobolka Baay.
Diomede Ndegeya ayaa ku ammaanay ciidamada Itoobiya ee fadhigoodu yahay deegaannada Koonfur Galbeed sugidda amniga iyo kaalintii ay ka geysteen guud ahaan deddaalada loogu jiro xasilinta Soomaaliya.
Taliyaha Ciidamada AMISOM, oo booqday ciidamada Itoobiyaanka ah ee ku sugan Magaalada Beydhabo, ayaa wuxuu kala hadlay xoojinta wadashaqeynta dhinacyada AMISOM iyo sidii loo dardar-gali lahaa howlgallada lagu baacsanaayo maleeshiyaadka Ururka Al-Shabaab
Waxaa gobollada Baay, Bakool iyo Gedo ku sugan ciidamo ka socda dalka Itoobiya oo xaruntoodu tahay Magaalada Baydhabo.
Xafiiska Wararka Halqaran.com
Halqarannews@gmail.com
