Muqdisho (Halqaran.com) – Taliska Booliska Soomaaliya ayaa sheegay inay baaritaan ku sameynayaan kiiska marxuumad Rumaan Cabduqaadir Maxamuud oo ahayd 14 jir, taasi oo shalay u geeriyootay rasaas bastooladeed.
Ehelada marxuumadda ayaa u sheegay Hoggaanka Baarista Dembiyada in aysan jirin wax rasaas ah oo ay isku fakisay gabadhooda, balse lagu fakiyay, waxaana saraakiisha Hoggaanka Baarista Dembiyada ay xuseen inay baarayaan arrinta iyo sida ay u dhacday, isla markaana natiijada ka soo baxda baarista kiiska ay la wadaagi doonaan shacabka iyo ehelkeeda.
Falkaan ayaa shalay gelinkii dambe ka dhacay xaafadda Suuq Bacaad ee Degmada Yaaqshiid, waxaana durba meydka marxuumad Rumaan Cabduqaadir la geeyay xarunta CID-da.
Arrintaan ayaa meesha ka saareysa warar lagu faafiyay baraha Bulshada oo lagu sheegay inay isku fakisay marxuumaddu bastoolad, iyadoo iska duubeysa muuqaal.
Xafiiska wararka Halqaran.com
Halqarannews@gmail.com
