Muqdisho (Halqaran.com) – Kooxo hubeysan ayaa lagu soo warramayaa inay degmada Dharkeenley ee gobolka Banaadir ku dileen sarkaal ka tirsanaa ciidanka dowladda Soomaaliya.
Sarkaalkan ayaa la sheegay inuu ka tirsanaa Ciidamada Militariga Soomaaliya, waxaana darajadiisa aheyd laba Xidigle sida saraakiisha Booliska qaarkood xaqiijiyeen.
Allaha u naxariistee Marxuumka ayaa waxaa lagu magacaabi jiray Cali Raage Maxamuud, waxaana uu u dhintay rasaas dableyda ay ku fureen.
Ciidamada Booliska Saldhiga Degmada Dharkeenley ayaa goobta ka soo qaaday maydka Marxuumka, waxaana halkaasi ka baxsaday dableydii dilka gaysatay.
Ururka Al-Shabaab ayaa sheegtay masuuliyadda dilkaan, waxaana ay sheegeen amniyaadkooda inay beegsadeen Sarkaal ka tirsanaa Ciidamada Militariga Soomaaliya.
Sidoo kale, Al-Shabaab ay sheegtay in Askari kale ay ku dileen Xaafadda Suuqa Xoolaha ee Degmada Heliwaa.
Xafiiska Wararka Halqaran.com
Halqarannews@gmail.com
