Nairobi (Halqaran.com) – Safaaradda Soomaaliya ee ku leedahay magaalada Nairobi ee dalka Kenya ayaa Isniintii maanta dib loo furay, kaddib markii dowladda Soomaaliya ay dhawaan amartay in diblumaasiyiinta iyo shaqaalaha ku sugan safaaradda ay dalka dib ugu soo noqdaan.
Wararka ayaa waxaa ay sheegayaan in Diblumaasiyiinta iyo Shaqaalaha Safaaradda oo uu horkacayo safiirka Soomaaliya ee dalka Kenya Amb, Maxamuud Axmed Nuur Tarsan inay soo gaareen Magaalada muqdisho.
Todobaadkii hore ayaa waxaa Amar uu ka soo baxay Wasaaradda Arrimaha Dibadda, kaas oo ahaa in muddo 7 cisho gudahood ku soo galaan gudaha dalka, xubnaha ka howlgalayay Safaaradda ee maanta dib ugu soo laabtay dalka Kenya , kuwaas oo gaaraya 17 xubnood.
17-kii Bishaan ayaa mas’uuliyiinta Safaaradda Soomaaliya ee dalka Kenya ay ku dhawaaqeen in la hakiyay Shaqooyinkii ay qaban jireen, waxana xilligaasi wixii ka dambeeyay ay wadeen diblumaasiyiinta & Shaqaalaha Safaaradda sidii ay ugu soo laaban lahaayeen Magaalada Muqdisho.
Xeerka heshiiska diblumaasiyadda Caalamiga ee Viena Convention ee sanadkii 1961 ayaa wuxuu dhigaya haddii aad xiriirka u jartid ama xiriirka kaala ka dhaxeeeya uu burburo dal aad Safaarad ku leedahay dhismaha Safaaradda iyo hantida dhex taal in loo wakiisho dalka siyaasad ahaan aad isugu dhow dihiin, hayeeshee dowladda Soomaaliya aysan weli shaacin dalka ay u wakiilatay.
Xafiiska Wararka Halqaran.com
Halqarannews@gmail.com
