Muqdisho (Halqaran.com) – Ra’iisul Wasaaraha xukuumadda xil-gaarsiinta Soomaaliya Maxamed Xuseen Rooble ayaa rajo ka muujiyay qabsoomidda shirka u dhexeeya madaxda dowladda federaalka iyo kuwa maamul goboleedyada ee lagu wado inuu ka furmo magaalada Muqdisho.
“Waxaa iga go’an fududeynta wax kasta oo horseedi kara in shirkan uu guuleysto” ayuu ku yiri bayaan ka soo baxay xafiiska Ra’iisul Wasaaraha.
Waxa uu sheegay inuu rajeynayo in shirkan uu ku dhammaado guul, si loo aado doorasho daah furan oo heshiis lagu yahay’.
Diyaar garowga Shirka Wadatashiga Qaran oo ka socota magaalada Muqdisho ayaa Ra’iisul Wasaare Rooble ka codsaday shacabka iyo siyaasiyiinta inay taageeraan taladiisa ku aadan xal u helista is-mariwaaga doorashada Soomaaliya.
Xafiiska wararka Halqaran.com
Halqarannews@gmail.com
