Muqdisho (Halqaran.com) – Ra’iisul Wasaaraha XF Soomaaliya, Mudane Xamse Cabdi Barre oo booqasho rasmi ah ku jooga dalka aan walaalaha nahay ee Jabuuti ayaa Arbacadii maanta booqday xarunta isgaarsiinta dowladda Jabuuti.
RW Xamse iyo wafdigiisa ayaa intii kormeerka ay ku jireen la tusiyay xarunta laga maamulo khadadka internet-ka ee mara badda iyo qeybaha kala duwan ee ay xaruntu ka kooban tahay.
Mudane Xamse ayaa ku ammaanay hay’adda iyo maamulkeeda horumarka joogtada ah ee lagu wado isgaarsiinta dalka Jabuuti.
Sidoo kale, ra’iisul wasaaraha Xukuumadda Federaalka Soomaaliya, ayaa maanta booqday dekedaha kala duwan ee Jabuuti
Ra’iisul Wasaaraha iyo wafdigiisa ayaa lagu soo wareejiyay dekedaha kala duwan, iyada oo la tusiyay qeybaha ay ka kooban yihiin iyo saldhigga ay ka baxaan tareenada qaada badeecadaha ka soo dega dekeddaha
Xafiiska Wararka Halqaran.com
Halqarannews@gmail.com
