Muqdisho (Halqaran.com) – Qaramada Midoobay ayaa soo dhaweysay shirkii uu isugu yeeray madaxweyne Farmaajo madaxda dowlad goboleedyada dalka, kaasi looga hadlayo muranka hareeyay doorashada dalka.
War qoraal ah oo kasoo baxay Xafiiska Qaramada Midoobay ayaa waxaa lagu soo dhaweeyay shirka uu ku baaqay Madaxweyne Farmaajo, waxana loogu baaqay Madaxda Soomaaliya inay heshiis iyo tanaasul gaaraan.
“ Bahda Qaramada Midoobay ee Soomaaliya waxa ay soo dhoweynayaan shirka uu Madaxweyne Maxamed Cabdullaahi Maxamed Farmaajo isugu yeeray Dowladaha Xubnaha ka ah Dowladda Fedaraalka ah magaalada Dhuusamareeb, waxa ayna ku boorrinayaan hoggaamiyeyaasha Soomaaliya in ay heshiis isku tanaasul gaaraan si degdeg loogu fuliyo nuucii doorasho ee 17-kii Sebtember‘‘ ayaa lagu yiri qoraalka.
Magaalada Dhuusamareeb ayaa horay waxaa loogu qabtay shirar looga hadlayay arrimaha doorashooyinka Soomaaliya, in kastoo aan la dhaqan gelin qodobadii lagu heshiiyay.
Xafiiska Wararka Halqaran.com
Halqarannews@gmail.com
