Muqdisho (Halqaran.com) – Hay’adda Nabad-sugida iyo sirdoonka Qaranka Soomaaliya ee NISA ayaa Arbacadii maanta shaacisay inay gacanta ku dhigtay Kiimiko loo waday Ururka Al-Shabaab iyo shaqsiyaadkii dalka soo gelinayay.
War qoraal ah oo lagu daabacay Barta Twitter-ka ee NISA ayaa waxaa lagu sheegay in ay Hay’ada qabatay Kiimiko 79 tan ah maadada Sulfuric Acid” ah iyo Shakhsiyaadkii dalka soo galiyey, kuwaas oo u waday maleeshiyaadka Ururka Al-Shabaab.
“ Waxaa gacanta lagu dhigay 79, Tan oo maadada “Sulfuric Acid”ah & Shakhsiyaadkii dalka soo galiyey, una gudbinayey Maafiyada Alshabaab, waxayna wajihi doonaan Sharciga. Baaritaanka Maadadan waxaa ka wada shaqaynaya NISA & Hay’adaha ay iska kaashadaan la-dagaalanka Aragagixisada‘‘ ayaa lagu yiri warka ka soo baxay NISA.
Hay’adda Nabad Sugidda iyo sirdoonka Qaranka Soomaaliya ee NISA qoraalkeeda kuma shaacin halka laga qabtay Kiimikada loo waday Al-Shabaab iyo tirada dadka ay qabteen, hayeeshee ay sheegeen in baaritaan dheer, kadib ay Sharciga wajihi doonaan.
Xafiiska Wararka Halqaran.com
Halqarannews@gmail.com
