25.9 C
Mogadishu
Wednesday, August 10, 2022

Nin Soomaali oo ‘wax caddeyn ah’ lagu waayay inuu ku lug lahaa weerarkii Westgate ee Nairobi oo la qafaashay

Nairobi (Halqaran.com) – Wararka ka imaanaya magaalada Nairobi ee dalka Kenya ayaa sheegaya, in la la’yahay Liibaan Cabdullaahi oo ka mid ahaa Saddex nin oo loo heystay weerarkii dhismaha laga dukaameysto ee Westgate, kaddib markii maxkamadda ay sii deysay labo maalmood ka hor markii lagu waayay wax caddeyn ah, sida laga soo xigtay hay’adda u doodda xuquuqda Muslimiinta Kenya.

Wararka ayaa intaasi ku daraya, in Liibaan Cabdullaahi markii ay maxkamaddu fasaxday uu raacay gaari ay la saarnaayeen xubno ka tirsan qoyskiisa, kaddibna waxaa waddada u galay oo gaariga kala degay rag hubeysan.

Qareenka Liibaan, Mbugua Mureithi ayaa mid ka mid ah telefeshinnada dalka Kenya u sheegay in raggan ay sheegeen inay ka tirsan yihiin ciidamada ammaanka.

‘‘Haween la socda Liibaan ayaa sheegay inay qeyliyeen, kadibna rag hubeysan oo sheegay inay ka tirsan yihiin hay’adaha ammaanka ayaa ku amray inay aamusaan,” ayuu yiri qareenka Liibaan Mr. Mureithi.

Sidoo kale qareenka Liibaan ayaa intaasi raacayay, “Waxay u muuqataa in hay’adaha amniga aysan ku qanacsaneyn go’aanka maxkamadda,”

Booliiska dalka Kenya ayaa ka gaabsaday inay ka hadlaan arrintaas.

Maxkamadda dalka Kenya ayaa ku xukuntay Arbacadii la soo dhaafay, labo nin oo u dhashay Kenya inay gacan ka geysteen weerarkii sanadkii 2013 lagu qaaday dhismaha laga dukaameysto ee Westgate ee magaalada Nairobi, kaas oo ay ku dhinteen 67 qof.

Ugu dambeyn, Liibaan Cabdullaahi oo ah Soomaali qaxooti ku ah dalka Kenya lana dhashay mid ka mid ah raggii weeraray Westgate, wuxuu ahaa eedeysanihii saddexaad, balse maxkamadda ayaa sii deysay markii lagu waayay wax caddeyn ah.

Xafiiska Wararka Halqaran.com
Halqarannews@gmail.com

Latest News

Uganda, Somalia ink MoU on Defence Cooperation

Somalia and Uganda have signed defence cooperation agreement following...

FAO appeals for over $130M to assist 882,000 people across drought-hit Somalia

By - Mohammed Dhaysane  / AA The UN Food and...

Kenyan presidential candidates in final dash before vote to succeed Kenyatta

Flanked by cheering crowds, the frontrunners in Kenya's presidential...

Somalia backs China over US, reaffirms its supports for one-China policy

Somali government has expressed its support for China’s sovereignty,...

Over 800 Al-Shabab’s Militants Killed Including 24 Top Leaders

More than 800 militants of the terrorist al-Shabab group...
spot_img

Guddoomiye Sh. Aadan Madoobe oo guddi u saaray fowdadii ka dhacaday Golaha Shacabka

Muqdisho (Halqaran.com) - Guddoomiyaha Golaha Shacabka Sheekh Aadan Maxamed Nuur (Aadan Madoobe) ayaa magacaabay Guddi KMG ah oo kasoo talabixiya dhacdadii 07/08/2022 ka dhacday...

Mahdi Guuleed oo xilka ku wareejiyay R/Wasaare Ku xigeenka cusub ee dalka

Muqdisho (Halqaran.com) - Ra’iisal Wasaare Ku-xigeenka Dalka, Saalax Axmed Jaamac ayaa maanta xilka kala wareegay Ra’iisal Wasaare Kuxigeenkii hore ee xukuumadda, Mahdi Maxamed Khadar...

Mareykanka oo Ukraine ugu yaboohaya hub uu qiimihiisu gaarayo hal bilyan oo dollar

Washington (Halqaran.com) - Dowladda Mareykanka ayaa ballanqaaday taageero dheeri ah oo militari inay siin doonto Ukraine, si dowladda dalkaasi ay isaga caabiso duulaanka Ruushka. Hubkan...