Muqdisho (Halqaran.com) – Waxaa guud ahaan Ummadda Islaamka oo ku kala sugan daafaha caalamka ayaa si weyn ugu dabbaal degaya farxada maalinta Koowaad ee Ciidul Adxaa oo Sabtida maanta ah ku beegan.
Maalinka Tobonaad ee Bisha Carafo ayaa waxaa guud ahaan Muslimiinta ay u tahay maalin ay ku ciidayaan farxad.
Ummadda Islaamka ayaa subaxa hore ee Sabtidii maanta isugu imaaday Masaajidada iyo Garoomadda waa weyn, si ay u tukadaan Labada Rakacadood ee Salaada Ciidul Adxaa.
Shacabka muslimiinta ah ayaa isugu hambalyeynaya maalintan qiimaha badan, waxaana qaarkood ay isku booqanayaan guryaha, si ay muujiyaan farxada Ciidul Adxaa.
Malaayiin Xujey ah oo sanadkan gudaneysa Waajibaadka Xajka ayaa Jimcihii shalay istaagay Banka Carafo, halkaasi oo muslimiinta ku gudanayaan mid ka mid ah Rukniyada ugu muhiimsan Xajka.
Xafiiska Wararka Halqaran.com
Halqarannews@gmail.com
