Muqdisho (Halqaran.com) – Faah faahino dheeraad ah ayaa laga helayaa meydka gabar yar oo labadii maalin ee lasoo dhaafay ay baadi goobayeen qoyskeeda, taasi oo laga dhex helay guri ay daganeyd oo ku yaalla xaafadda Kaawo Godey ee degmada Dharkeenley gobolka Banaadir.
Gabadhaan oo lagu magacaabi jiray Nafisa Cumar Geelle ayaa meydkeeda laga dhex helay digsi weyn oo nooca raashinka lagu kariyo oo lagu dhex qariyay, waxaana jirkeeda ka muuqday Jirdil loo geystay iyo in gacmaha laga xiray.
Nafisa Cumar ayaa la waayay maalintii Axadda aheyd, iyadoona labadii maalin ee lasoo dhaafay ay baafinayeen qoyskeeda, waxaana laga dhex helay gurigii ay deganeyd oo ku yaalla Kaawo Godey, kadib markii guriga laga dareemay ur, sidaasina lagu helay meydka oo digsi ku jira.
Dadka deegaanka xaafadda Kaawo Godey ee degmada Dharkeenley gobolka Banaadir ayaa siweyn maanta u hadal haaya dhacdadaan xanuunka badan, waxaana qoyska iyo ehelada marxuumadda ay arrintan noqotay mid Fajaciso ah.
Xafiiska wararka Halqaran.com
Halqarannews@gmail.com
