Muqdisho (Halqaran.com) – Waxaa xal laga gaaray shaqo joojin ay maanta ku dhawaaqeen Shirkaddaha diyaaradaha ee howlgalla Garoonka diyaaradaha ee Aadan Cadde ee magaalada Muqdisho.
Shaqo joojinta ayaa timid, kadib markii diyaarad aadi rabtay degmada Dollow ee Gedo Ciidanka NISA ay ka joojiyeen Shaqada.
Shir u bilowday Mas’uuliyiinta Garoonka iyo Shirkaddaha ayaa lagu guuleystay in xal buuxa laga gaaro, iyadoo hada shaqadii Garoonka uu dib u bilowday.
Boqolaal rakaab ah oo ku xayirnaa Garoonka ayaa sidoo kale lagu waddaa in ay ka dhoofaan garoonka.
Sidoo kale, waxaa Shirkaddaha diyaaradaha ay soo gudbiyeen cabashooyin dhowr oo ka dhan ah taliska NISA ee garoonka, iyadoo la isku raacay in si wadajir ah wax looga qabto.
Xafiiska Wararka Halqaran.com
Halqarannews@gmail.com
