Muqdisho (Halqaran.com) – Guddoomiyaha Golaha Aqalka Sare ee BF Soomaaliya, Mudane Cabdi Xaashi Cabdullahi ayaa codsaday in baaris deg deg ah lagu sameeyo been abuur lagu sameeyay Habraaca dhaqa galinta Xeerka Maaliyadda Guud ee dalka.
War saxaafadeed uu soo saaray Guddoomiyaha Golaha Aqalka sare ayaa waxaa uu ku sheegay in Guddoonka Golaha Shacabka uu been abuur ku sameeyay Xeerka Maaliyadda Guud ee dalka, gaar ahaan qodobka 27aad oo ah Xeerka maareynta Maaliyadda Guud ee dalka oo ay waxka bedel ku sameeyeen.
Sidoo kale, qoraalka gudoomiye Cabdi Xaashi Cabdullaahi ayaa lagu xusay, in Xeer aan aheyn kii ay waxka bedel ku sameyeen Golaha Aqalka Sare uu saxiixay Madaxweyne Farmaajo, iyada oo Madaxweynaha loogu baaqay in uu baaris deg deg ah ku sameeyo Arrintaas.
Mudane Xaashi ayaa horay qoraal uu soo saaray waxaa uu ku sheegay in waxka beddel lagu sameeyay Sharciga doorashooyinka Qaranka oo uu saxiixay Madaxweynaha JF Soomaaliya, Mudane Maxamed Cabdullaahi Farmaajo.
Halka hoose ka akhriso War-saxaafadeedka:
Xafiiska Wararka Halqaran.com
Halqarannews@gmail.com
