Gaalkacyo (Halqaran.com) – Madaxweynaha dowlad goboleedka Galmudug, Mudane Axmed Cabdi Kaariye (QoorQoor) oo warbaahinta kula hadlay magaalada Gaalkacyo ayaa si adag uga hadlay dagaalka ka dhanka ah Kooxaha argagixasda.
Qoorqoor ayaa sheegay in Galmudug iyo Puntland ay iska kaashan doonaan arrimaha amniga, isaga oo xusay in wax fursad ah aysan sii doonin ururada argagixisada ah.
Sidoo kale, wuxuu wacad ku maray in ciidamada ay howlgallo wadajir ah ka bilaabi doonaan gobolka mudug, Bari iyo Galgaduud oo labada maamul ay kawada arimiyaan.
Madaxweynaha Galmudug oo hadalkiisa siiwatay ayaa intaasi ku daray in kooxaha argagixsada ay sii huriyaan dagaal beeleedyada ku soo noqnoqday deegaanada Galmudug iyo Puntland ay ka arimiyaan.
Ugu dambeyn, hadalkan ayaa ku soo beegmay, iyada oo shalay madaxweynayaasha maamullada Galmudug iyo Puntland ay kulan xasaasi ah ku yeesheen waqooyiga Gaalkacyo, iyaga oo isku afgartay xoojinta amniga labada maamul.
Xafiiska Wararka Halqaran.com
Halqarannews@gmail.com
