Garoowe (Halqaran.com) – Ku simaha Madaxweynaha ahna Madaxweyne ku-xigeenka dowlad goboleedka Puntland, Mudane Axmed Cilmi Cismaan (Karaash) iyo wafdi uu hoggaaminayo oo Muqdisho ka laabtay ayaa galabta lagu soo dhoweeyay magaalada Garoowe ee caasimadda Puntland.
Madaxweyne Ku-xigeenka Dowladda goboleedka Puntland Karaash waxaa soo dhaweyntiisa ka qeyb galay Xubno isugu jira labada Gole ee maamulka iyo Saraakiisha Madaxtooyada.
Mudane Karaash ayaa magaalada Muqdisho kaga qeyb galay Aaskii Qaran ee loo sameeyay Ra’iisal wasaarihii hore Allaha U Naxariistee, Prof. Cali Khaliif Galayr oo Khamiistii ku geeriyooday magaalada jig-jiga ee dowlad deegaanka Soomaalida itoobiya.
Xafiiska Wararka Halqaran.com
Halqarannews@gmail.com
