Muqdisho (Halqaran.com) – Madaxweynaha dowlad goboleedka Hirshabeelle Cali Cabdullaahi Xuseen Guudlaawe oo ku sugan magaalada Muqdisho ayaa kulan la qaatay Wakiilka Qaramada Midoobey ee Soomaaliya James Swan.
Kulanka dhexmaray labada dhinac ayaa looga hadlay arrimaha doorashada dalka gaar ahaan in is-faham laga gaaro qilaafka hareeyay qabsoomidda doorashada.
Qoraal ka soo baxay madaxtooyada Hirshabeelle ayaa lagu sheegay in kulanka Guudlaawe iyo James Swan looga hadlay xaaladihii ugu dambeeyay deegaanada Hirshabeelle gaar ahaan arrimaha fatahaadaha, maadaama laguda galayo xilli roobaadka.
Wakiilka Qaramada Midoobey ee Soomaaliya ayaa maalmihii lasoo dhaafay Caasimadda dalka ka waday kulamo kala duwan oo uu la qaadanayey madaxweynayaasha dowlad goboleedyada oo ku sugan magaalada Muqdisho.
Xafiiska wararka Halqaran.com
Halqarannews@gmail.com
