Addis Ababa (Halqaran.com) – Madaxweynaha JF Soomaaliya, Mudane Maxamed Cabdullaahi Farmaajo oo khudbad ka jeediyey furitaanka Beerta Midnimada oo ah mashruuc dalxiis oo laga hirgeliyey dalka Itoobiya ayaa sheegay in fududeynta isu-socodka iyo duulimaadyada tooska ah ee Soomaaliya iyo Itoobiya ay saameyn wanaagsan ku yeesheen iskaashiga ganacsi ee labada dal.
Madaxweynaha ayaa tilmaamay in dalalka Gobolka ay ka faa’iideysan karaan fursadaha ganacsi iyo maalgashi ee ay hodan ku tahay Soomaaliya, waxa uuna xusay in cimilada dalkeenna iyo bilicdiisuba ay horseedayso in ay ku soo hirtaan dalxiiseyaasha heer Gobol iyo kuwa caalamiga ah.
“Dhinacayaga, waxaa naga go’an dhiirri-gelinta dalxiiska iyo iskaashiga ka dhexeeya dalalkeenna, taas oo ay fududeynayso duullimaadyada tooska ah ee maalinlaha ah.”
Madaxweynaha Jamhuuriyadda ayaa soo bandhigay sida dowladda iyo shacabka Soomaaliyeed ay uga go’an tahay in ay kula tartamaan dalalka Gobolka horumarka iyo wax wada-qabsiga, isagoona adkeeyey in ilaalinta daris wanaagga ay fure u tahay xoojinta xiriirrada laba geesoodka ah.
Munaasabaddan waxaa ka soo qeyb galay Madaxweyneyaasha dalalka Uganda Mudane Yoweri Museveni, Kenya Mudane Uhuru Kenyatta, Koonfurta Suudaan Mudane Salva Kiir Mayardit, Raiisul Wasaaraha dalka Suudaan Mudane Cabdalla Xamduuk iyo wufuud kale oo ka socotay dalalka Gobolka.
→ Sii Akhri Wararka Kale ee Maanta:⇓
- Muxuu RW Itoobiya ‘Abiy Axmed’ ku muteystay abaalmarinta caanka ee nabadda ee Noble?! +Warbixin
- Arag Sawirro laga soo qaaday madaxdii Kismaayo isugu tagtay oo hadal heyn xoogan ka dhaliyay baraha bulshada!
- XOG CUSUB: Sheekh Shariif oo shaaca ka qaaday in 30 sano kaddib dalka loo celinayo kaligii talisnimo!
- Iskaashatada Shaydaanka: Sida Aaran Jaan sharciyada Puntland ugu tumaneyso
- Maxaad Ka Ogtahay Mowjadaha Siyaasadeed ee ku soo food leh DF Soomaaliya?
Xafiiska Wararka Halqaran.com
Halqarannews@gmail.com
