Nairobi (Halqaran.com) – Madaxweynaha dowlad goboleedka Puntland, Mudane Saciid Cabdullaahi Deni ayaa kulamo siyaasadeed waxaa uu ka bilaabay Magaalada Nairobi ee caasimada Kenya, halkaasi oo ay ku sugan yihiin inta badan Siyaasiyiinta Mucaaradka ah.
Mr. Deni ayaa la kulmay siyaasiyiin miisaan leh oo damac kaga jiro Doorashada soo socota iyo sidoo kale wakiilo ka socda dalalka daneeya Arrimaha Soomaaliya.
Xubno ka mid ah Sirdoonka dowladda Imaaraadka Carabta ayaa lagu soo warramaya Saciid Deni in uu kula kulmay Magalada Nairobi.
Madaxweynaha Jubaland Axmed Madoobe ayaa sidoo kale lagu wadaa in uu maalmaha soo socda gaaro Magaalada Nairobi, islamarkaana ku biiro kulamada siyaasadeed ee uu halkaasi ka wado Madaxweynaha Puntland.
Xafiiska Wararka Halqaran.com
Halqarannews@gmail.com
