Baydhabo (Halqaran.com) – Madaxweynaha Dowlad Goboleedka Koonfur Galbeed Soomaaliya, Mudane Cabdicasiis Xassan Mohamed (Laftagareen) ayaa Xil ka qaadis ku sameyey Wasiirka Wasaaradda Warfaafinta iyo wacyigelinta Bulshada , Ugaas Xasan Cabdi Maxamed, sida lagu sheegay wareegto ka soo baxday xafiiska Madaxweynaha.
Madaxweyne Laftagareen ayaa u magacaabay Suleebaan Shucayb Ali inuu noqdo Wasiirka Batroolla iyo Macdanta Maamulka Koonfur Galbeed, sida ku cad wareegtada.
Warar hoose oo ay heshay Halqaran.com, ayaa sheegaya in xil ka qaadista wasiirka warfaafinta ee Koonfur Galbeed Ugaas Xasan Cabdi Maxamed loo aaneynayay arrimo kala duwan, sida cod sir ah oo horey looga duubay bilo ka hor, markii madaxweyne Laftagareen uu weydiistay Baarlamaanka in muddo sanad ah loogu daro, si ay isku mar u dhacaan.
Haddaba halka hoose ka akhriso wareegtada Xafiiska Madaxweynaha KGS:
Xafiiska Wararka Halqaran.com
Halqarannews@gmail.com
