Baydhabo (Halqaran.com) – Madaxweynaha Dowlad Goboleedka Koonfur Galbeed Cabdicasiis Xasan Maxamed (Lafgareen) oo ku sugan Magaalada Baydhabo ee Xarunta Gobolka Baay ayaaa filayaa in uu booqasho deg-deg ah ku tago degmada Xudur ee Xarunta Gobolka Bakool, halkaas oo xaalado adag ay ka jiraan xilligaan.
Jimcihii shalay waxaa degmada Xuddur gaaray wafdi uu hoggaaminayo Wasiirka Maaliyadda Koofur Galbeed ayna kamid yihiin Wasiirka gaadiidka iyo mas’uuliyiin kale oo ka tirsan maamulka Koonfur Galbeed, iyaga oo horudhac u ah Safarka Madaxweynaha Koonfur Galbeed.
Degmada Xuddur ee Xarunta Gobolka Bakool waxaa xiligaan kajira xaalado adag oo Bani’aadanimo, kadib markii ay Al-Shabaab go’doomiyeen.
Waxaana maalmihii la soo dhaafay aad looga hadal haayay Baraha Bulshada, iyada lagu eedeeyay Xildhibaannada iyo Wasiirada iyo Xildhibaannada Dowladda Federaalka ku metela dadka ku nool degmada Xuddur in aysan dadka degmadaas wax u qaban, isla markaana Hoteelo ku yaal Muqdisho ay lacago qaali ku degan yihiin.
Degmada Xudur muddo sideed sano ah waxaa go’doomin ku haya Al-Shabaab, arrintaas oo shacabka magaalada ku keentay culeys dhanka nolasha ah.
Ugu dambeyn, bilihii u dambeeyay Al-Shabaab ayaa labo laabay xayiraadka magaalada Xudur, waxay gubeen gaadiid badan oo magaalada u siday raashiin iyo waxyaabaha nolasha muhiimka u ah.
Halka hoose ka dhageyo Wareysi ay BBC-da la yeelatay Madaxweynaha Koonfur Galbeed Cabdicasiis Laftagareen oo ku sii jeeda Degmada Xudur.
Xafiiska Wararka Halqaran.com
Halqarannews@gmail.com
