Muqdisho (Halqaran.com) – Guddoomiyaha Gobolka Banaadir Ahna Duqa Magaalada Muqdisho Cumar Maxamuud Maxamed (Cumar Filish) ayaa shir guddoomiyay kulanka todobaadlaha ee maamulka Gobolka, kaasi oo goob-joog ka ahaayeen Ku-xigeenada maamulka Gobolka, Xog hayaha guud ee maamulka Gobolka Banaadir iyo Dhammaan Saraakiisha Laamaha Ammaanka qeybahooda kala gedisan.
Shirkaan ayaa loogu hadlay Amniga guud ee Caasimada Muqdisho, iyadoo halkaasi loogu hambalyeeyay isla markaana lagu boogaadiyay howlaha sugida Amniga oo ay qabteen Saraakiisha iyo Askarta qeybahooda kala duwa intii lagu jiray Bisha Barakeysan ee Ramadaan iyo Maalmihii Ciida.
Waxaana lagu balamay in la sii xoojiyo wada shaqeynta laamaha Amniga iyo Maamulada Degmooyinka Gobolka Banaadir.
Ugu dambeyn, waxaa kaloo shirka looga hadlay u diyaar garowga sugida Amniga Imtixaanaadka Shahaadiga oo Todobaadka soo socda ka bilaabmaya Magaalada Muqdisho.
Xafiiska Wararka Halqaran.com
Halqarannews@gmail.com
