Garoowe (Halqaran.com) – Dowadda Puntland ayaa waxaa ay Xabsiga ka sii deysay laba Sarkaal oo todobaadyadii la soo dhaafay u xirnaa, kuwaas oo kala ah Taliye ku xigeenkii qaybta Booliiska Gobolka Nugaal Gaashaanle Cismaan Maxamuud Buraale iyo Taliyihii Saldhiga Bartamaha Caasimadda Garoowe dhamme Maxamuud Muuse Bile.
Ilo lagu kalsoonaan karo ayaa warbaahinta u xaqiijiyay siideynta labada Sarkaal oo la xiray horaantii Bishaan.
Labadan sarkaal ayaa loo heystay eedeyn la xiriirta gadood ay sameeyeen Ciidamo ay ka tirsanaayeen oo tababar uga socday Magaalada Qardho lagana qaaday magaalada Garoowe.
Sidoo kale, warar ayaa sheegaya, in saraakiishan lagu waayay eedaymadii loo haystay oo la xiriiray in ay ka dambeeyeen gadoodka Ciidamada ay sameeyeen iyo inay diideen amar kasoo baxay saraakiisha ka sareeysa.
Xafiiska Wararka Halqaran.com
Halqarannews@gmail.com
