Berlin (Halqaran.com) – Waxaa aad u sii kordhay dalka Jarmalka dadka uu ku dhacay cudurka Coronavirus 24-kii saac ee la soo dhaafay, wuxuuna gaaray 4,000 (Afar kun oo ruux).
Wasaaradda caafimaadka ee dalka Jarmalka ayaa xaqiijisay, in tirada kiisaska dadka uu soo ritay cudurka COVID-19 uu gaaray 3,677 qof, taasi oo tirada guud ee dalka ka dhigeysa 100.300 ruux.
Waa tiro ka hooseysa tii Axaddii shalay laga diiwaan gaaliyey dalka Jarmalka, sida laga soo xigtay xogta machadka Robert Koch Institut ee cudurada faafa.
Si kastaba, tirada kiisaska cusub ayaa ahayd shalay 5,936 oo qof. Iyadoo dhinaca kale tirada dhimashada ay kor u kacdey waxaana ay gaartay ilaa 1.590 qof.
Xafiiska Wararka Halqaran.com
Halqarannews@gmail.com
