Gedo (Halqaran.com) – Taliska Ciidanka Millateriga Soomaaliya ee gobolka Gedo ayaa ku dhawaaqay howlgal ka dhan ah ururka Al-Shabaab oo laga fulinayo deegaano ka tirsan gobolkaas.
Taliyaha Ciidanka xasilinta gobolka Gedo Bakaal Kooke oo uu wehlinayay Taliyaha Ciidamada Nabad-sugida degmada Doolow ayaa waxaa ay gaareen degmada Beled-Xaawo ee gobolka Gedo, iyaga oo diyaarinaya howlgal ka dhan ah Maleeshiyaadka Al-Shabaab.
Sidoo kale taliye Bakaal Kooke ayaa sheegay in Ciidamada Dowladda noocyadooda kala duwan ay dhawan bilaabi doonaan howlgallo ka dhan ah Al-Shabaab oo la isugu furayo Magaalooyinka gobolka Gedo.
Si kastaba, deegaannada iyo degmooyinka Gobolka Gedo oo ay gacanta ku hayaan Ciidamada Dowladda Soomaaliya ayaa waxaa mararka qaar ka dhaca weeraro ay geystaan Al-Shabaab, waxaana saraakiisha Ciidamada ay sheegaan inay howlgallo fulin doonaan.
Xafiiska Wararka Halqaran.com
Halqarannews@gmail.com
