Oman (Halqaran.com) – Maryam Al-Balushi oo ka mid ah dadka jecel xayawaanada waxey kasoo jeedaa magaalada Masqat ee caasimadda Cumaan waxaa hoygeeda la degan 480 bisadood, kuwaas oo bishii ay ku baxdo lacag gaareysa $8,000.
Haweeneydaan oo ah shaqaale dowladeed oo howlgab ah ayaa billowday xanaaneynta bisadaha sanadkii 2008-dii, markaas oo wiil ay dhashay uu guriga keenay bisad yar, si ay u rabbaayadeystaan.
“Si la mid ah hooyooyinka kale, waxaan diiday inaan xanaaneeyo sababtoo ah ma jecleyn xayawaanada, balse si dhaqsi ah ayaan isku baddelay waxaan billaabay inaan quudiyo, u qubeeyo, oo aan waqti badan la qaato.” Ayay Al-Balushi u sheegtay AFP.
Ma hesho taageera dhaqaale marka laga reebo mid ka soo gasho asxaabteeda barta Instagram-ka, waxey rumeysan tahay in ay tahay in la xanaaneeyo loona naxariisto xayawaanada maadaama ay nagula nool yihiin koonka.
Xafiiska wararka Halqaran.com
Halqarannews@gmail.com
