Baydhabo (Halqaran.com) – Guddoomiyihii hore ee Golaha Shacabka BF Soomaaliya, Prof. Maxmaed Sheekh Cusmaan Jawaari ayaa maanta gaaray magaalada Baydhabo ee xartunta KMG ah ee dowlad goboleedka Koonfur Galbeed.
Jawaari oo bilihii ugu dambeeyay ku sugnaa Caasimadda Muqdisho ayaa garoonka diyaaradaha Shaati Gaduud ee magaalada Baydhabo ku soo dhaweeyay guddoomiye ku-xigeenka koowaad iyo labaad ee Baarlamaanka Koonfur Galbeed iyo Xubno kale.
Guddoomiyihii hore ee golaha shacabka Maxmaed Sheekh Cusmaan Jawaari ayaa lagu sheegay safarka uu ku tagay Baydhabo si uu halkaasi uga qeybgalo furitaanka kalfadhigii labaad ee Baarlamaanka Koonfur Galbeed.
Sidoo kale, Prof. Jawaari inta uu ku sugan yahay magaalada Baydhabo ayaa wuxuu qaabili doono qeybaha kala duwan ee bushada, isaga oo u kuurgeli doono xaaladda guud ee magaalada.
Xafiiska Wararka Halqaran.com
Halqarannews@gmail.com
