Baydhabo (Halqaran.com) – Guddoomiyaha golaha shacabka ee BF Soomaaliya, Mudane Maxamed Mursal Sheekh Cabdiraxmaan iyo wafdi uu hoggaaminayo ayaa maanta gaaray magaalada Baydhabo ee xarunta KMG ah ee dowlad goboleedka Koonfur Galbeed.
Guddoomiye Mursal iyo wafdigiisa oo ay qeyb ka yihiin wasiirro ka tirsan Xukuumaddda Soomaaliya iyo Xildhibaanno ayaa waxaa magaalada Baydhabo ku soo dhaweeyay Madaxweynaha Koonfur Galbee Cabdicasiis Laftagareen iyo mas’uuliyiin kale oo ka tirsan maamulka.
Ujeedada Socdaalka Mursal iyo Wafdigiisa ayaa ah sidii ay uga qayb-geli lahaayeen xuska sanad guurada 2-aad ee ka soo wareegtay doorashada madaxweynaha Koofur Galbeed oo ku beegan 19-ka December oo berri ah.
Sidoo kale, Madaxda dowlad goboleedyada Hirshabeelle iyo Galmudug ayaa la filayaa inay gaaraan magaalada Baydhabo, si ay uga qeybgalaan munaasabadda ka dhacaysa Baydhabo.
Xafiiska Wararka Halqaran.com
Halqarannews@gmail.com
