Gaalkacyo (Halqaran.com) – Wararka naga soo gaaraya magaalada Gaalkacyo ee xarunta gobolka Mudug ayaa sheegaya, in Qarax ismiidaamin ah uu ka dhacay halkaasi, sida ay Halqaran News u xaqiijiyeen dad goobjoogayaal ah.
Wararka ayaa sheegaya, in qaraxani lala eegtay goob ay ka socotay soo dhaweynta Ra’iisul wasaaraha Soomaaliya Maxamed Xuseen Rooble, halkaasi oo ah Garoonka Cabdulaahi Ciise ee Magaalada Gaalkacyo.
Qof walxaha qaraxa isku soo xiray ayaa la sheegay inuu isku dayay irida Garoonka inuu ka galo, balse Ciidamada illaalada Ra’iisul Wasaaraha ayaa halkaasi ku joojiyay, iyadoo ninkii uu halkaasi isku qarxiyay.
Qaraxani ismiidaaminta ahaa ayaa geystay khasaaro dhimasho iyo dhaawac isugu jira, iyadoo ruux naftiisa haligey uu beegsaday goobta lagu soo dhaweynaayay Ra’iisul Wasaaraha Rooble.
Ciidamada ammaanka ayaa furay rasaas badan, waxaana socota gurmadka dadkii dhibaatada soo gaartay oo Ciidan iyo shacab isugu jira.
Wixii warar ah ee ku soo kordha kala soco Halqaran.com
Xafiiska Wararka Halqaran.com
Halqarannews@gmail.com
