Muqdisho (Halqaran.com) – Madaxweynihii hore ee Soomaaliya Shariif Sheekh Axmed ahna gudoomiyaha golaha Musharraxiinta oo Jimcihii maanta dalka dib ugu soo laabtay ayaa si adag uga hadlay xaaladda dalka oo uu sheegay in ay mareyso meel halis ah.
Madaxweyne Sheekh Shariif ayaa tilmaamay in dowladda dhexe ee Soomaaliya ay ku fashilantay in ay keento doorasho lagu wada qanacsan yahay, taas badalkeeda ay qorsheysan boob iyo in lagu dhibaateeyo Shacabka magaalada Muqdisho.
Shariif Sheekh Axmed ayaa xusay in shalay ciidanka dowladda ay soo buux dhaafiyeen xaafada ay degan yihiin Musharraxiinta, isagoo sheegay in ciidanka dowladda ugu baaqay in aan loo adeegsan waxyaabo ka baxshan sharciga.
“Xaalada dalka meel aan wanaagsaneyn ayay mareysaa, Waxaa ka digeynaa in dalkaan dib loo celiyo waa arrin sharciga iyo dowladnimada ka soo horjeeda in hab aan fiicneyn la adeegsado sida ciidan iyo dagaal”, ayuu yiri Sheekh Shariif.
Wuxuu intaasi raaciyay, haddii xukuumadda Soomaaliya ay ilaalin weysay sharciga oo dadkii soo bannaan baxay dhibaatooyin loo geystay in aysan jiri doonin cid ilaalinaysa sharciga.
Madaxweynihii hore ee Soomaaliya, Sheekh Shariif Sheekh Axmed ayaa sheegay in aysan jiri doonin cid sifo sharci daro ah ku joogta Villa Soomaaliya qofkastana uu bixi doono markii uu dhameysto waqtigiisa.
Xafiiska Wararka Halqaran.com
Halarannews@gmail.com
