Sanaag (Halqaran.com) – Wararka naga soo gaaraya gobolka Sanaag ee Puntland ayaa sheegaya, in guddoomiyaha gobolkaasi Cali Xuseen Soomaali uu ka badbaaday weerar lagu qaaday hoyga uu ka degan yahay degmada Badhan.
Kooxa hubeysan ayaa rasaas ku furay guriga Guddoomiyaha gobolka Sanaag, waxaana goobjoogayaal sheegeen in wax khasaaro nafeed ah ka dhalan rasaastaas marka laga reebo burbur ka dhashay.
Guddoomiyaha Gobolka Sanaag ee Puntland Cali Xuseen Soomaali oo la hadlay Warbaahinta ayaa waxaa uu sheegay in raggii weerarka ku soo qaaday ay baxsadeen, islamarkaana aan weli la aqoonsan.
Wararka ayaa intaasi ku daraya, in laamaha Amniga dowlad goboleedka Puntland ay magaalada Badhan ka bilaabeen howlgal lagu baadi goobayo dadkii ka dambeeyay weerarkaas.
Xafiiska Wararka Halqaran.com
Halqarannews@gmail.com
