Garoowe (Halqaran.com) – Dowlad goboleedka Puntland ayaa go’aan cusub ka soo saartay xakamaynta sicir bararka baahsan ee ka jira gudaha deegaannada Puntland.
Wasaaradda Maaliyadda Puntland ayaa amar ku siiyay dhammaan Shirkadaha isticmaala adeegyada Lacag dirista Sahal iyo E-dahab, in hal doollar ama ka yar aan la isugu diri karin.
Sidoo kale, wasaarada ayaa Shirkadahaas amar ku siiyay, in ay sarif ahaan u qaataan lacagta Shiling Soomaaliga ah, si loo soo celiyo qiimaha lacagta Shilinka oo hoos u dhac ballaaran ku yimid.
Amarkaas ayaa ku soo beegmay xilli Sabtida maanta uu Puntland ka dhaqan-gelayo go’aan Khamiistii ka soo baxay xukuumadda, kaas oo lagu joojiyay in hal Dollar iyo wixi ka yar la isu’gu diro nidaamka lacag dirita ee Sahal iyo E-dahab.
Xafiiska Wararka Halqaran.com
Halqarannews@gmail.com
