Garoowe (Halqaran.com) – Guddiga Amniga Gobolka Nugaal Iyo Gudiga Sare ee Amniga dowlad goboleedka Puntland ayaa go’aamo adag ka soo saaray Amniga Caasimada Puntland ee Garoowe.
Shirkan ayaa waxaa shir guddoominayay Guddoomiyaha Gobolka Nugaal, waxana ka qayb galay Wasiir Ku Xigeenka Arimaha Gudaha,Wasiir Ku Xigeenka Amniga, Taliyaha Booliska Puntland, Taliyaha Qaybta Nugaal,Taliyaha Madaxtoyada, Duqa Degmadda, Sarakiisha Hay’adda Nabad Sugida Iyo Sarakiil Kale.
Taliyaha Qaybta Nugaal Gashaanle Sare Xusen Cali Maxamuud ayaa sheegay in howl galo lagu xaqiijinayo amniga laga sameyn doono Garoowe, isagoona sido kale bulshada ugu baaqay inay bulshadu la shaqeyaan Ciidamada amaanka sugaya.
Taliyaha Qaybta Booliska Gobolka Nugaal Gashaanle Sare Xusen Cali Maxamuud ayaa sheegay in la mamnuucay Askari aan shaqo ku jirin oo hub Magaladda la dhex maraya, isagoona xusay in Ciidamadu soo qaban doonan.
Ugu dambeyn, gashaanle Sare Xusen Cali ayaa dhan kale Ciidamada sugaya amaanka faray in bulshada loo dhimriyo si anshaxaysana loola dhaqmo,isagoona Dhan kale bulshada markale ugu baaqay inay ciidamada u fududeyaan shaqoyinka ay qabanayaan.
Xafiiska Wararka Halqaran.com
Halqarannews@gmail.com
