Beledweyne (Halqaran.com) – Wararka naga soo gaaraya Magaalada Beledweyne ee Xarunta Gobolka Hiiraan, ayaa waxa ay sheegayaan in Garoonka diyaaradaha Ugaas Khaliif ay ku dhacday diyaarad.
Diyaaradan oo goor dhaweyd dhacday ayaa ku gubanaysa Garoonka dhexdiisa, waxaana la ogeyn sababta ka dambeysay diyaarada inay dhacdo.
Warar ay warbaahinta Halqaran.com ka helayso Magaalada Beledweyne ayaa sheegaya in diyaarada soo dhacday ay aheyd nooca qaada xamuulka Cargo, islamarkaana ay Garoonka ku soo dhacday.
Ilaa iyo hadda lama hayo macluumaad intaan ka baxsan oo ku saabsan Diyaarada soo dhacday meesha ay ka timid iyo haddii meel kalaba ay ku sii socotay.
Ciidamada AMISOM ee ku sugan Garoonka Diyaaradaha Beledweyne ayaa isku dayaya inay baqtiiyaan diyaarada ku dhex gubanaysa Garoonka Diyaaradaha Magaalada Beledweyne.
Xafiiska Wararka Halqaran.com
Halqarannews@gmail.com
