Boosaaso (Halqaran.com) – Madaxweynaha dowlad Goboleedka Puntland Saciid Cabdullaahi Deni ayaa ka hadlay weerarkii Xabsiga Dhexe ee Magaalada Boosaaso iyo howlgalladii ay Gobolka Bari ka fuliyeen Ciidamada Puntland.
Mr Deni oo Warbaahinta kula hadlay Boosaaso ayaa marka hore sheegay in howlgallada Ciidamada Ammaanka ay meel wanaagsan marayaan, islamarkaana Al-Shabaab weeraray Xabsiga laga dhigay, wax la dilay, wax la qabtay, isaga oo u mahadceliyay Ciidamada Shacabka Boosaaso iyo Ciidamada howlgalka fuliyay.
Madaxweynaha Puntland ayaa ka tacsiyadeeyay aslkrtii ku dhimatay weerarkii Xabsiga dhexe, sidoo kalena ay abaalmarin doonaan, kuwii howlgalka fuliyay, waxaana uu Shacabka ka codsaday inay Ciidamada kala Shaqeeyaan sugida Amniga.
Sidoo kale, wuxuu sheegay, Deni in Ciidamada Amniga ay yihiin kuwa mar walba diyaar u ah sugida Amniga, islamarkaana jawaab deg deg ah ay ka bixin doonaan weerarka tallaabana ay ka qaadi doonaan dadkii ay ku cadaato inay soo abaabuleen.
”Puntland waxay ku jirtaa heegan buuxa, ficilka dhacayna sida ugu wanaagsan baan uga falcelinaynaa, dadkay ku cadaato inay qayb ka ahaayeena waxaan rajeyn inaan ka abaal marinno oo wajibkooda la mariyo‘‘ ayuu yiri Madaxweynaha Puntland Saciid Deni oo warbaahinta kula hadlay magaalada Boosaaso.
Ugu dambeyn, hadalka ka soo yeeray Madaxweynaha Puntland ayaa ku soo aadaya xilli habeen ka hor la weeraray Xabsiga Dhexe ee Boosaaso, islamarkaana la sheegay in Al-Shabaab ay siidaayeen qaarkoodna ka xeysteen dadkii ku xirnaa Xabsiga.
Halka hoose ka dhageyso Codka Madaxweyne Saciid Deni:
Xafiiska Wararka Halqaran.com
Halqarannews@gmail.com
