Muqdisho (Halqaran.com) – Guddoomiyaha Baarlamaanka Jaamacada Carabta Adel bin Abdulrahman Al-Asoumi ayaa si kulul u cambaareeyay qaraxii argagaxisadu ku laayeen dad shacab ah oo maqaayad ku sugnaa Jimcihii, kaas oo ka dhacay degmada Xamar-jajab ee gobalka Banaadir.
Adel bin Abduulrahman Al-Asoumi ayaa waxa uu adkeeyay hiilka iyo isgarab taaga buuxa oo baarlamaanka carabtu u hayo Jamhuuriyada federaalka ee Soomaaliya uuna taageersan yahay dadaalada ay wado ee argagaxisada lagula dagaalamayo.
Guddoomiyaha wuxuu ku nuux nuuxsaday diidmadiisa adag ee ka dhanka ah dhamaan falalka lala beegsanayo rayidka kuwaas oo ka hor imaanaya dhamaan qawaaniinta caalamiga ah, islamarkaana halis ku ah amaanka iyo xasiloonida.
Ugu dambeyntii, wuxuu guddoomiyaha uga tacsiyeeyay madaxda dowlada Soomaaliya, shacabka iyo ehelada dadkii ku dhintay qaraxa wuxuuna soo ka basho dhaqso leh u rajeeyay dadkii ku dhaawacmay.
Xafiiska Wararka Halqaran.com
Halqarannews@gmail.com
