Muqdisho (Halqaran.com) – Hay’adaha Ammaanka ee dowladda Federaalka Soomaaliya ayaa dhagxaan waaweyn ku xirtay Isgoyska dabka ee Magaalada muqdisho, kadib markii gaari xoog uga soo gudbay uu shalay ku qarxay koontoroolka isgoyska Sayidka.
Dhagxaanta oo ay dejiyeen Gawaari waaweyn oo lagu raray ayaa waxaa lagu jaray Isgoyska dabka, waxaana meesha ka baxay Gawaaridii ka imaan jirtay dhinaca Isgoyska Bakaaraha ee u soo gudbi jiray dhinaca kale ee degmada Waaberi.
Wararka ayaa sheegaya, in dad subixii Axadda maanta ah tegay isgoyska dabka ay arkeen dhagxaanta waaweyn oo halkaasi lagu xiray , isl markaana ay caqabad ku tahay Gawaarida ka imaata dhinaca isgoyska Dabka.
Ugu dambeyn, waddoyinka jid-cadayaasha ee ku yaal degmooyinka Gobolka Banaadir ayaa horay dowladda Soomaaliya ay ugu jartay dhagxaan waaweyn, balse weli ay Muqdisho ka dhacayaan qaraxyada.
Xafiiska Wararka Halqaran.com
Halqarannews@gmail.com
