Muqdisho (Halqaran.com) – Warar na soo gaaraya ayaa sheegaya, in galabta ciidamo ka tirsan kuwa Astuubta Soomaaliyeed ay magaalada Muqdisho ku rasaaseeyeen gaari uu la socday Imaamka Beesha Mudullood Imaam Maxamed Yuusuf.
Weerarkaan ayaa waxa uu ka dhacay agagaarka maxkamadda gobolka Banaadir.
Warar ay helayso Halqaran News ayaa sheegaya, in gaariga Imaamka la rasaaseeyay uu ka soo gudbay Koontaroolka koowaad, balse markii uu marayay Koontaroolka labaad rasaas oodda looga qaaday, sida ay inoo sheegeen goobjoogayaal.
Rasaastaasi ayaa lagu soo warramayaa in ay ku dhaawacmeen askarta ilaalada u ahaa Imaamka Beesha Mudullood iyo Nabaddoono kale oo caan ah oo la socday.
Nabaddoonnada ayaa waxaa xilliga la rasaaseynayay Gaariga ay la socdeen ay ka yimaadeen gogosha Tacsida Janeraal Maxamed Nuur Galaal, waxaana ay marayeen waddada dheer ee hormarta xabsiga Dhexe ee magaalada Muqdisho.
Ilaa iyo hadda wax faah-faahin ah kama soo bixin laamaha ammaanka ee DF Soomaaliya oo ku aadan falkan galabta lagu rasaaseeyay Imaamka Beesha Mudullood iyo Nabaddoono caan ah oo la socday.
Xafiiska Wararka Halqaran.com
Halqarannews@gmail.com
