Muqdisho (Halqaran.com) – Dowladda Soomaaliya ayaa Khamiista maanta si rasmi ah ula wareegtay laba diyaaradood oo Helicopter ah, kuwaasi oo lagu buufin doono deeganada Ayaxa uu ku habsaday.
Deegaanno ka tirsan Puntland iyo Galmudug, ayaa waxaa ku habsaday Ayax la sheegay inay ka soo talaabay gacanka Cadan, islamarkaana Beeraha Soomaaliya uu dhibaato ku haayo.
Wasiirka Beeraha iyo Waraabka Xukuumadda Soomaaliya Mudane Siciid Xuseen Ciid ayaa sheegay hawlaha Buufinta Ayaxa inaysan saameyn ku yeelan doonin dadka iyo deegaanka.
Siciid Xuseen Ciid ayaa sheegay qarashka hawshaan ku baxaayo inay bixinayso Hay’adda USAID ee Mareykanka.
Si kastaha ha’ahaatee, shaqada ugu horeysa ee Buufinta Ayaxa ayaa waxa ay bilaabaneysaa Maalinta Berri ah, waxaana laga bilaabayaa deeganada Maamulada Galmudug iyo Puntland.
Xafiiska Wararka Halqaran.com
Halqarannews@gmail.com
