Bakool (Halqaran.com) – Ciidanka xoogga dalka Soomaaliyeed ayaa galabta la wareegay deegaanka Quracle oo qiyaastii 10-km u jira degmada Rabdhuure ee gobolka Bakool, halkaasi oo markii hore dagaalamaayasha Al-Shabaab gacanta ugu hayeen.
Ciidanka xoogga dalka ayaa sheegay in ay cagta mariyen xaruma ay ku sugnaayeen Al-Shabaab oo ay ku lahaayeen fariisimo waa weyn waa sida ay hadalka u dhigeene.
Ciidamadda dowladda oo garab ka helaya dadka deeggaanka ayaa wadda dagaalka ka dhan ah Al-Shabaab, waxaana ay sheegeen in saacadihii la soo dhaafay ay gacanta ku dhigeen degaanno dhowr ah oo ka tirsan Gobolkaasi Bakool.
Sidoo kale, Gobolka Hiiraan ayaa waxaa ka dhacay dagaallo Culus oo u dhexeeya Ciidanka Dowladda iyo Al-Shabaab, waxaana dagaaladii ugu dambeeyay Guulo ka sheegtay Dowladda Soomaaliya.
Xafiiska Wararka Halqaran.com
Halqarannews@gmail.com
