Hiiraan (Halqaran.com) – Ciidanka Xoogga Dalka ayaa kala dhex-galay maleeshiyaad beeleed shalay ku dagaalamay deegaanada Xagar iyo Laan-cadaad oo ka tirsan Degmada Maxaas ee Gobolka Hiiraan.
Ciidanka Xoogga Dalka ee Qaybaha 21aad iyo 27aad oo fulinaya amarkii Taliyaha Ciidanka Xoogga Dalka, General Odawaa Yuusuf Raage ayaa gaaray deegaanadaasi.
Dagaalka shalay ka dhacay Xagar iyo Laan-cadaad ayaa sababay khasaaro dhimasho iyo dhaawacba ka soo kala gaaray maleeshiyadii uu u dhaxeeyay.
Qoraal lagu daabacay barta Taliska Qaybta 27aad ku leeyahay Facebook ayaa lagu sheegay in Ciidanka Xoogga Dalka ku guuleysteen in ay kala qaadaan labadaasi maleeshiyo, deegaanadii lagu dagaalamayna ay haataan xaaladoodu degan tahay.
Ciidanka Xoogga Dalka ee maleeshiyaadkaasi kala dhexgalay ayaa waxaa hoggaaminayay General Mascuud Maxamed Warsame, Abaanduulaha Qaybta 21aad ee Ciidanka Xoogga Dalka.
Xafiiska Wararka Halqaran.com
Halqarannews@gmail.com
