Hiiraan (Halqaran.com) – Ciidamo ka tirsan kuwa qebta 27aad ee Millateriga Soomaaliya oo aad u hubeysan, isla markaana wata gaadiidka dagaalka noocyadooda kala duwan ayaa Isniinta maanta ah waxa ay kasoo baxeen degmada Buulo-Burde ee gobolka Hiiraan, kuwaas oo howlgallo ka wada degaano hoostaga degmadaas.
Ciidamada ayaa Saraakiisha hoggaamineysa waxa a sheegeen inay howlgallada ka sameeyeen deegaannada kala ah Ceemooy, dhagax yaalle, Kilad gubadleey iyo Ceelka-dabyoole 20km ujira degmada Buulo Burde.
Wararka ayaa intaas ku daraya in Ciidamada ay hawada ka saareen dhammaan isgaarsiintii deegaannada howlgalka ay ka sameenayeen, iyaga oo sidoo kale Bur-buriyey Doomo ku xirnaa wabiga Shabeelle, kuwaas oo ay sheegeen in ay ka gudbi jireeyn xubno ka tirsan ururka Al-Shabaab oo baxsad ka ahaa howlgallada Ciidamada.
Weli Saraakiishu ma shaacin waxyaabo ay kusoo qabteen howlgalka, balse waxa ay sheegeen in uu qeyb ka yahay howlgalalda guud ee Ciidamada dowladda ka wadaan deegaanno iyo degmooyin katirsan Gobolka Hiiraan.
Xafiiska Wararka Halqaran.com
Halqarannews@gmail.com
