Muqdisho (Halqaran.com) – Taliyaha Ciidanka Booliska Soomaaliyeed S/Gaas Cabdi Xasan Maxamed, ayaa dalka ku soo dhaweeyay Cutub Ciidanka Daraawiishta Booliska Soomaaliyeed ah oo dhawaan tababar muddo 3 bilood ah ku soo dhammeystay dalka aan walaalaha nahay ee Jamhuuriyadda Jabuuti.
Ciidankan ayaa horay bartamihii sanadkaan tababar loogu qaaday Dalka Jabuuti, gaar ahaan Xerada Ciidanka Booliska Jabuuti ee IDRIS FARAH CABANE, halkaas oo ay Ku soo qaateen tababar la xariira xirfadaha Ciidanka.
Tababaradaan oo joogto ah ayaa qeyb ka ah tababarrada iyo taakulada ay Dowlada Talyaanigu kaga qeyb qaadato Dhismaha Dowladda Soomaaliya ee MIADIT, halkaas oo Ciidanka Carabinieriga Taliyaanigu ay Siiyaan Ciidanka Booliska Soomaaliyeed.
Ugu dambeyn, taliyaha ayaa uga mahadceliyay dowladda aan walaalaha nahay ee Jabuuti tababarka ciidankan oo ah dufcaddii 17-aad ee Daraawiishta ee tababarka ku soo qaatay dugsiga tababarka Booliska ee dalka Jabuuti.
Xafiiska Wararka Halqaran.com
Halqarannews@gmail.com
