Muqdisho (Halqaran.com) – Qaraxaan oo jugtiisa laga maqlay degmooyin ka tirsan Gobolkan Banaadir ayaa waxaa uu ka dhacay dhabarka danbe ee safaarada Dowladda Qatar ku leedahay Magaalada Muqdisho oo ku dhow Madaxtooyaddii hore ee Cabdiqaasim Xaafadda Taleex ee Gobolka Banaadir.
Qaraxan ayaa waxaa lala eegtay gaari ay wateen Ciidamada Booliska oo halkaasi maraayay, kadib markii lagu qarxiyay miinada nooca dhulka lagu aaso.
Gaariga qaraxa lala eegtay oo ah nooca yar ee Booliska isticmaalaan, ayaa waxaa lagu soo waramayaa inuu ka dhashay Khasaare soo gaaray Ciidamadii saarnaa, inkastoo aanan si dhab loo ogeyn waxyeelada Ciidamada soo gaartay.
Ciidamo kale oo Booliska ka tirsan ayaa goobta gaaray, waxaana halkaasi laga qaaday Askarta waxyeelada soo gaartay.
Goobta qaraxan ka dhacay ee Gaariga Ciidamada lagula eegtay ayaa inta badan waxa ay tahay wado cidlo ah oo aysan marin gaadiidka, dadkana waxa ay uga cabsoodaan tuugo shacabka dhacda.
Xafiiska Wararka Halqaran.com
Halqarannews@gmail.com
