Ankara (Halqaran.com) – Nin Muslim ah oo u dhashay dalka Taiwan ayaa sameeyay app cusub oo qofka Muslimka ah ka caawinaya in uu helo goobta ugu dhaw ee uu ka heli karo jamaaco oo la dukado.
“Waxda waa erey carabi ah oo macnihiisu yahay wadajir,midnimo iyo isku uur waxaana rajeynayaa in Muslimiinta ay ku midoobaan.” Cheng Ping oo ku soo dhex koray qoys Muslim ah haddana dhigta Bilkent University, magaalada Ankara ee dalka Turkiga ayaa u sheegay Focus Taiwan.
Marka loo eego Cheng, app-kaan cusub ayaa qofka Muslimka ah ka caawinaya in uu ogaado Muslimiinta kale ee hareerihiisa joogta si ay salaadda wadajir ugu wada dukadaan.
Waxa ay sidoo kale isugu diri karaan farriimo wacyi-gelin ah iyo ogeysiis xilliyada salaadda si loogu soo deg-dego qeyrka iyo samaha.
Waxaa intaas dheer, in uu qofka u sheegayo masjidka ugu dhaw ee uu ku dukan karo shanta salaadood maalintii.
App-kaan waxaa laga heli karaa Google Play iyo Apple’s App Store, waxaana uu ku tarjuman yahay afaf kala duwan oo ka saacidaya qofka Muslimka ah ee jooga dal aan Muslim aheyn.
Xafiiska wararka Halqaran.com
Halqarannews@gmail.com
