Muqdisho (Halqaran.com) – Dowlad goboleedyada Puntland iyo Jubbaland ayaa Arbacada maanta si wadajir ah u soo saaray War-saxaafadeed, kaasi oo ay walaac ka muujiyeen in madaxda sare ee muddo xilkeedkeeda dhammaaday ee DF Soomaaliya ay xaggal daacineyso qabsoomidda shirkii looga fadhiyay in uu ka dhaco Caasimadda Muqdisho.
War-saxaafadeedkan ka soo baxay labadan maamul ayaa laga dhigay in waqtiga kulanka oo sii dheeraada uu keeni karo in masiirka dalka iyo mustaqbalka ummadda Soomaaliyeed uu meel mugdi ah ku dhaco.
Sidoo kale, waxaa lagu sheegay war qoraalkan in maamullada Puntland iyo Jubbaland ay diyaar u yihiin qabsoomidda shir looga wada arrinsado xaaladda doorashada dalka, iyadoo qabsoomidiisa loo marayo tub laysla oggol-yahay uuna saldhig u yahay heshiiskii 17-ka September 2020-ka.
Haddaba halka hoose ka akhriso War-saxaafadeedka oo dhammeystiran:
Xafiiska Wararka Halqran.com
Halqarannews@gmail.com
