Muqdisho (Halqaran.com) – Madasha Xisbiyada qaran ee dalka ayaa war ay soo saareen waxay ku taageereen codsigii 13-dii-May ee sanadkaan ee Golaha ammaanka ee Qaramada midoobe kaas oo ku saabsanaa in ciidamada Itoobiya ee aan ka tirsaneyn howl-galka midowga Afrika ee Soomaaliya laga saaro waddanka.
War-saxaafadeed kasoo baxay Madasha Xisbiyada Qaran ayaa waxaa lagu yiri “ Madashu waxay aad ugu mahad-celineysaa in la caddeeyay tirade rasmiga ah ee Ciidamada howl-galka midowga Afrika ee ku sugan Soomaaliya oo gaaraya 19,226 askari”.
Ciidamada AMISOM ayaa sharciyad u haaysta in ay Soomaaliya ka howl-galaan illaa laga gaaro 28-ka February ee sanadka soo socda.
Sidoo kale, madasha xisbiyada Qaran ee Soomaaliya, ayaa sheegay in ay u muuqato in lagu xad-gudbay madax-bannaanida dalka, qaranimada iyo cuna-qabateyntii Soomaaliya la saaray sanadkii 1992-dii.
War qoraalkan oo luuqadda Ingiriiska ah ku qornaa oona ahaa mid ku socday beesha caalamka ayaa waxaa lagu xusay in il-gaar ah lagu hayo faragelin la sheegay in Itoobiya ay ka waddo gudaha Soomaaliya.
Halka hoose ka akhriso War-saxaafadeedka oo English ku qoran;
Xafiiska Wararka Halqaran.com
Halqarannews@gmail.com
