Muqdisho (Halqaran.com) – Waxaa Garoonka Diyaaradaha Aadan Cadde ee Magaalada Muqdisho Talaadadii Maanta kasoo dagay Afar Muwaadiniin Soomaali ah, kuwaasi oo la sheegay inay ka yimaadeen dalka Talyaaniga oo kamid ah dalalka uu saameynta weyn ku yeeshay Cudurka Coronavirus.
Muwaadiniintaan ayaa waxaa ay ka mid ahaayeen Askar Leyli sarkaalnimo loogu diray dalka Talyaaniga, waxana ay saarnaayeen Diyaaradda Ethiopian Airlines duulimaadkeeda maanta ee Addis Ababa iyo Muqdisho.
Xubno ka mid ah Saraakiisha Wasaaradda Caafimaadka ee Xukuumadda Soomaaliya oo maalmahaan howlo Shaqo ka wadey Garoonka ayaa la wareegay, iyada oo la soo sheeayo in Afarta Ruux la karantiilay.
Wararka ayaa sheegaya, in afartan ruux maalmo lagu heyn doono meelo gaar ah oo Garoonka ku yaalla si loo hubiyo Caafimaadkooda, maadaama ay ka yimaadeen dal uu si weyn uga dilaacey Caabuqa Coronavirus.
Waxay aheyd Isniintii shalay, kadib markii Wasaarada Caafimaadka Xukuumadda Soomaaliya ay shaacisey in mid ka mid ah Afar ruux oo ka yimid dalka Shiinaha dhawaan laga helay baaritaano lagu sameeyey cudurka Coronavirus.
Xafiiska Wararka Halqaran.com
Halqarannews@gamil.com
