Muqdisho (Halqaran.com) – John Dramani Mahama oo ah madaxweynihii hore ee Ghana, kaasoo ururka Midowga Afrika u magacaabay ergayga Soomaaliya ee dhex dhexaadinta khilaafaadka siyaasadeed ayaa sheegay in uu ka tanaasulay aqbalaadii xilka ergaynimo ee Soomaaliya.
War-saxaafadeed ay ku saxeexantahay kaaliyaha gaarka ah ee John Dramani Mahama, oo lagu baahiyey bogga rasmiga ah ee uu ku leeyahay internet-ka, ayaa lagu sheegay in warqad uu u qoray guddoomiyaha Midowga Afrika uu madaxweynihii hore kaga noqday aqbalaadiisii hore ee ahayd in loo magacaabay ergayga Soomaaliya u qaabilsan ururka Midowga Afrika.
“Isaga oo uga mahad naqay Midowga Afrika kalsoonida uu ku qabo, ayaa Mahama waxa uu tilmaamay in muhiimadda weyn ee siyaasadeed ee ay u baahan tahay howshaa loo xil saaray tahay in uu taageero iyo wadashaqayn aan tuhun lahayn ka helo dhammaan dhinacyada siyaasadeed ee arintu khusayso”. Ayaa lagu yiri war-saxaafadeedka ka soo baxay xafiiska madaxweynihii hore ee Ghana John Mahama.
Xafiiska wararka Halqaran.com
Halqarannews@gmail.com
